БИШКЕК, 20-сен. — Sputnik. Рио-де-Жанейродогу Олимпиада оюндарында АКШнын 15 спортчусу медициналык себептерден улам допинг колдонууга уруксат алган. Бул тууралуу РИА Новости Ассошиэйтед Пресс агенттигине шилтеме кылып жазып чыкты.
Спортчулардын аттары аталган жок. Рио Олимпиадасында америкалык курама командасы 46 алтын, 37 күмүш жана 38 коло медаль утуп алышкан.
"Ушундай жол менен алдоонун өзү акылсыздык. Кандайдыр бир себептер менен тыюу салынган каражаттарды колдонууга уруксат алуу жана аны колдонуу — акылдуулукка жатпайт. Допингди колдонгондор жана аны жашыргандар тыюу салынган каражаттардын тизмесине кирбеген же биз билбеген заттарды колдонушкан", —деди USADA жетекчиси Трэвис Тайгарт.
Эл аралык олимпиада комитети эже-сиңди Уильямстар, гимнаст кыз Байлз, баскетболчу Делле Донн 2016-жылдагы Олимпиада оюндарынын антидопинг эрежелерин бузбаганын кабарлады.
