БИШКЕК, 8-сен. — Sputnik. Бишкек — Ош жолунун 402-чакырымындагы жол кырсыгы жөнгө салынып, учурда жол каттамы калыбына келгенин ӨКМ билдирди.
Белгилей кетсек, аталган кан жолдун 402-чакырымында оор жүк ташуучу Howo менен Man үлгүсүндөгү унаалар кагылышкан. Анын кесепетинин жол жабылган болчу.
29 жаштагы Кара-Суу районунун тургуну Man үлгүсүндөгү жүк ташуучу унааны 25 жаштагы жардамчысы менен Ош тарапты көздөй айдап келе жатып, күйүүчү май ташып бараткан Howo машинасы менен кагышкан.
Howo унаасынын айдоочусунун сол колу сынса, Man үлгүсүндөгү машинанын айдоочусунун жардамчысынын ок колу, оң буту сынган. Кырсыкка кабылгандар Кара-Көл шаардык ооруканасына кайрылган.
Абалды жөнгө салуу үчүн жол тейлөө ишканасынан грейдер, жүктөгүч, тогуз куткаруучу чыгып жол ачылган.
