Кытайдын аскер кемелери Япониядагы талаштуу аралдарга жакын кирип барды

Жазылуу
Yandex newsTelegram
Күн чыгыш өлкөсүнүн Деңиздеги коопсуздук кызматы Кытай тараптан кемелерин алып чыгып кетүүнү жана Япониянын сууларына жакындабоону талап кылды.

БИШКЕК, 8-сен. — Sputnik. Кытайдын жээктен коргонуу кызматынын үч кемеси алар менен Япониянын ортосундагы талаштуу Сенкаку деп аталган аралга жакын жерге кирди. Бул туурасында РИА Новости Күн чыгыш өлкөсүнүн деңиздеги коопсуздук кызматына таянып кабарлап жазды.

Жакын жайгашкан аймак — 22,2 чакырымдык кеңдиктеги тилке. Августтун башында кайгуул кемелери жана балык кармаган алты кайык аталган аймакка кирип, бул Япониянын кескин реакциясын жараткан. Кытайдын Күн чыгыш өлкөсүндөгү элчиси чакырылып, ага аталган аракеттер боюнча нааразылык чечкиндүү түрдө билдирилген. 

Түштүк Кореянын президенти Пак Кын Хе. Архив - Sputnik Кыргызстан
Түштүк Корея лидери Түндүк Кореянын чагымчылдыгы анын "башын жутарын" айтты
Күн чыгыш өлкөсүнүн Деңиздеги коопсуздук кызматы Кытай тараптан аталган аймактан кемелерин алып чыгып кетүүнү жана Япониянын сууларына жакындабоону талап кылды. 

Сенкаку (Дяоюйдао) аралы Кытай менен Япония ортосунда талаштуу аймак болуп келет. Япония аны 1895-жылдан бери ээлеп келгендигин бекемдесе, Пекин 1783-жылы жана 1785-жылдагы япон карталарында Дяоюйдао Кытайдын аймагы катары көрсөтүлгөндүгүн айтат. Дүйнөлүк II согуштан кийин аралдар АКШнын көзөмөлүндө болуп, бирок 1972-жылы Японияга берилген. 

Тайвань жана континенталдык Кытайда аралдарды Япония мыйзамсыз кармап турат деп эсептеп келишет. Токио ал жердеги кен байлык тууралуу билген Кытай менен Тайвань 1970-жылдардан тарта аралга ээлик кылууга ниеттенип баштаган деген пикирде.

Жаңылыктар түрмөгү
0