БИШКЕК, 29-авг. — Sputnik. Түштүк Кореянын президенти Пак Кын Хе тиешелүү тараптарды Түндүк Корея тарабынан кандай гана чагымчылдык жасалбасын, аны өзүн-өзү жок кылууга алып келе тургандай кылып жооп берүүгө чакырды. Бул туурасында РИА Новости Рёнхап агенттигине шилтеме берүү менен жазып чыкты.
"Өкмөт менен куралдуу күчтөр Түндүк Кореянын улам күчөп бара жаткан өзөктүк жана ракеталык мүмкүнчүлүгүнө жооп бере ала тургандай практикалык даярдык көрүшү зарыл. Коңшулар тарабынан кандай гана чагымчылдык жасалбасын, бул кайра алардын "өзүнүн башын жуткандай" болушу керек", — деп президенттин айтканын аталган агенттик келтирди.
Ал эми Пхеньян өзөктүк жана ракеталык мүмкүнчүлүгүн АКШдан коргонуу үчүн өстүрүп жаткандыгын айтып келет. Америка Корея жарым аралында учурда өзүнүн 28 миң аскерин кармап, Түндүк Корея менен тынчтык келишимине кол коюудан баш тартып келет.
Өткөн аптада суу алдындагы кайыктардын баллистикалык ракеталарын сынаган. Ал 500 чакырым аралыкка учуп, суунун алдына 80 метрге чейин тереңдеп, Япониянын чек ара жана ички аймагына да кирип кеткен. Муну Токио аталган өлкөнүн олуттуу коркунучу катары кабыл алып, билдирүү жасаган.
