БИШКЕК, 5-сен. — Sputnik. Башкы прокуратура тарабынан Чүй облустук ички иштер бөлүмүнүн эки кызматкерине кылмыш иши козголду.
Билдирмеге караганда милиция кызматкерлери Сайлык айылынын тургунун Искра айылындагы милициянын бөлүмүнө алып келип уурулук боюнча кылмышты моюндатуу үчүн аны кыйноого алган делип шектелип жатышат.
Соттук медициналык экспертиза Т.Э. аттуу жаран жаракат алып, ден соолугу начарлаганын көрсөткөн.
Аталган фактынын негизинде Кылмыш жаза кодексинин 305-беренеси (Кыйноо) боюнча кылмыш иши козголду.
