Эксперт: Каримовдун ордуна Мирзиеев келиши мүмкүн

© Sputnik / Сергей Субботин / Медиабанкка өтүүӨзбекстандын өкмөт башчысы Шавкат Мирзиеев. Архив
Өзбекстандын өкмөт башчысы Шавкат Мирзиеев. Архив - Sputnik Кыргызстан
Жазылуу
Шавкат Мирзиеев 2003-жылдан бери Өзбекстандын өкмөт башчысы болуп келет.

БИШКЕК, 3-сен. — Sputnik. Өзбекстандын жаңы президенти болуп учурдагы өкмөт башчы Шавкат Мирзиеев шайланышы мүмкүн. Бул тууралуу Россиянын Федерация кеңешинин депутаты Владимир Жабаров билдиргенин РИА Новости жазып чыкты.

Эске сала кетсек, Өзбекстандын туңгуч президенти Ислам Каримов жума күнү дүйнө салган.

"Каримовдун жакындарына терең кайгыруу менен көңүл айтам. Ал өлкөсү үчүн көп эмгектерди жасай алды. Эми Каримовдун ордуна өкмөт башчы Шавкат Мирзиеев келиши мүмкүн. Президенттин алмашуусу менен Россия жана Өзбекстандын мамилеси жылуу бойдон калат деп ойлойм", — деди депутат.

Ал Каримовдун каза болушу менен өлкөдө баш аламандык болбой тургандыгын айтып, ызы-чуу чыкпашын учурда баары көздөп жатканын кошумчалады.

Ал эми Эл аралык мамилелер боюнча Москва мамлекеттик институтунун аналитика жүргүзүү борборунун директору Андрей Казанцев да Мирзиеев тактыга келет деген пикирде. 

"Буга чейин Түркмөнстанда да ушундай көрүнүш болгон. Түркмөнбашы каза болгондо премьер-министр эки тизгин бир чылбырды колго алган эле. Өзбекстанда да ушундай болушу мүмкүн", — деди Казанцев.

Ислам Каримовду акыркы сапарга узатуу зыйнаты 3-сентябрь күнү кичи мекени Самарканд шаарында болот.

Өзбекстанды 1989-жылдан бери башкарып келген Ислам Каримовдун тарыхый сүрөттөрүн төмөнкү материалдан көрүңүздөр>>

Жаңылыктар түрмөгү
0