БИШКЕК, 2-сен. — Sputnik. Өзбекстандын президенти Ислам Каримовдун абалы оор. Бул тууралуу РИА Новости Өзбекстандын өкмөтүнө шилтеме берүү менен жазып чыкты.
Эске сала кетсек, буга чейин Каримовдун кызы Лола Каримова-Тилляева өзүнүн Instagram баракчасына атасы мээсине кан куюлуп, реанимацияда жатканын билдирип, анын абалы туруктуу экенин билдирген болчу.
"Терең кайгыруу менен президентибиздин абалы оорлоп кеткендигин кабарлайбыз", — деп айтылат маалыматта.
Буга чейин Өзбекстандын жалпыга маалымдоо каражаттары өкмөткө таянуу менен 78 жаштагы Ислам Каримов стационардык дарыланууда экенин жазып чыгышкан.
