БИШКЕК, 28-авг. — Sputnik. "Улуттук кийимдер" акциясына эки миңден ашуун адам катышат. Бул тууралуу Тарых жана маданият жылын өткөрүү боюнча дирекциядан билдиришти.
Маалыматка ылайык, иш-чара 31-август күнү саат 17:00дө "Ала-Тоо" аянтында башталып, ага коомдук ишмерлер, жазуучулар жана активист жаштар катышат.
"Эки миңден ашуун адам катыша турган иш-чара улуттук кийимдерди жайылтууга багытталат. Мындан сырткары улуттук кийимдерге жаштарды кызыктыруу болуп саналат",— деп айтылат маалыматта.
Мамлекеттик дирекция бардык каалоочуларды аталган иш-чарага чакырат.
