БИШКЕК, 26-авг. — Sputnik. Ысык-Көл облусунун Ак-Суу районундагы "Хан-Теңири" жаратылыш паркы заманбап технологиялуу болду. Бул коруктагы сейрек кездешкен жаныбарларды көзөмөлдөп, жүргөн жерлерин так билип турганга мүмкүнчүлүк берет деп билдирди аталган аймактын жетекчиси Кубанычбек Бекбоев.
Булардын жардамы менен токойчулар жана адистер коруктун аймагындагы жырткычтарга, куштарга жана жаныбарларга аралыктан көз салып, ал тургай кайсыл жолдор менен жүргөндүгүн, коопсуздугун карап турушат. Андан сырткары, өсүмдүктөр дүйнөсүнө байкоо салып туруу жакшырат.
"Андыктан мындай жабдуулар бизге зарыл", — деди Хан-Теңири жаратылыш паркынын жетекчиси Бекбоев.
Заманбап техникалар ПРООН жана Глобалдуу экологиялык фондунун Тянь-Шань тоолорунун аймагындагы өзгөчө коргоого алууну жакшыртуу долбоорунун алкагында тапшырылды.
