БИШКЕК, 22-авг. — Sputnik. Филиппиндин жаңы президенти ишке киришкенден тартып баңгизатка байланышы бар 1 миң 800дөй адам өлтүрүлгөн. Бул тууралуу Рейтер басылмасына таянуу менен РИА Новости жазып чыкты.
Үстүбүздөгү жылдын май айында президент болуп шайланган Родриго Дутерте инаугурациясы учурунда баңгизат менен шугулданган кылмышкерлерге каршы катуу күрөшө турганын жар салган.
Жергиликүү полициянын берген маалыматына ылайык, 712 кылмышкер полиция тарабынан жок кылынса, 1067 баңгизатка аралашкан кишинин өлүмүнө полициянын тишеси жок. Учурда аталган кылмыштар тергелип жатат.
Ал ортодо БУУнун эксперттери бул кадамды кескин түрдө сындап чыкты. Ал эми Филиппиндин президенти жооп катары өлкө БУУдан чыгып кетиши мүмкүндүгүн кыйытып өткөн.
