БИШКЕК, 22-авг. — Sputnik. Чыгармачыл бирикмелер "Жаңы ысымдарды" чыгарат. Бул тууралуу Маданият, маалымат жана туризм министрлиги билдирди.
Аталган ведомствонун жетекчиси Түгөлбай Казаков Жазуучулар союзу, Театр ишмерлер союзу, Кинематографисттер союзу, Журналисттер союзу жана Композиторлор союзу менен жолукту.
Мында чыгармачыл инсандар министр менен биргеликте көйгөйлүү маселелерди талкуулап, алдыдагы пландар тууралуу сүйлөшүштү. Казаковдун сунушу менен "Жаңы ысымдар" сынагы уюштурулмай болду.
Демилгеге ылайык, ар кыл тармак өзүнчө сынак өткөрүп, жаңы таланттарды алып чыгышы керек.
Аталган сынак жаштарды колдоо максатынды уюштурулуп, ага бардык каалоочулар катыша алат.
