БИШКЕК, 18-авг. — Sputnik. Бейшемби күнү Соттук арбитраждык сот оор атлетчи Иззат Артыковду Рио Олимпиадасында ээ болгон коло медалынан ажыратты.
Ага допинг текшерүүнүн натыйжасында спортчунун канынан табылган стрихнин каражаты себеп болду.
Sputnik Кыргызстан аталган каражат тууралуу маалымат сунуштайт.
18 Баш оона 2016, 23:26
Стрихнин — Азия менен Африка чөлкөмүндө өсүүчү чилибуханын уругу. Медицинада азоткычкылдуу туз — стрихниндин нитраты пайдаланылат. Аталган каражат борбордук нерв системасын дүүлүктүрүүгө жөндөмдүү келет, башкача айтканда, адамдын рефлектордук реакциясы күчөйт. Ал сезүү органдарына таасир этип, сөөктөрдү кыймылдатуучу жана дем алуу борборлорун дүүлүктүрөт.
Стрихнинди ашыкча пайдалануу тарамыштардын түйүлүшүнө алып келет. 20-кылымда аталган каражатты спортто, өзгөчө велоспортто алдуу-күчтүү болуу үчүн колдонуп келишкен. Ал эми азыркы күндө кеңири тарабаса да, аны айрымдар пайдалануудан баш тартпайт.
Мындан тышкары, стрихнинди мышьяк, коргошун, сары же ак фосфор жана таллий сульфаттын кошулмасынан даярдалуучу уунун курамына кошулат.
