БИШКЕК, 11-авг. — Sputnik. Кыргызстандын футбол боюнча курама тобу FIFA түзгөн жаңы рейтингде 105-орунду ээледи.
Июндагы рейтингде курама топ 104-орунда турган. Август айында чыккан рейтингге караганда 105-орунду Кыргызстан менен Сириянын курама топтору ээлеген.
Бишкекте 30-август күнү кыргыз курама тобу менен жолдоштук оюн көрсөтө турган казак курама тобу 96-орунда.
Айдын эң мыкты курама тобу катары Түндүк Корея таанылды. Алар 18 тепкичке алдыга жылып, 99-орунду ээлешти.
Ал эми начар көрсөткүчтү Куба мамлекетинин футболчулары көрсөткөн. Алар 30 тепкичке артка кетип, 151-орунду ээлешти.
Дүйнөлүк алдыңкы үч орунда Аргентина, Бельгия жана Колумбия турат.
