БИШКЕК, 29-июл. — Sputnik. Ысык-Көлдө жол тандабастардын фестивалы өткөрүлөрүн Offroad-Kings автоунаалар клубунан кабарлашты.
Иш-чара облустун түштүк тарабында 2-6-август аралыгында өткөрүлөт.
Жарыш программасына ТР-1, ТР-2 жана "Абсолют" үлгүсүндөгү унаалар менен квадроциклдер кирген.
"Мындан тышкары уюштуруучулар келген конокторду жаратылыштын кооздугу менен тааныштыруу үчүн атайын туристтик каттамдарды даярдашкан", — деп айтылат маалыматта.
Жарышка каатышуу үчүн чет мамлекеттерден билдирмелер түшүп жатат, анын көпчүлүгү Россия менен Казакстанга туура келет.
Спорттук жана туристтик иш-чаралардан сырткары дискотека менен ар кандай оюндар уюштурулат.
