БИШКЕК, 11-июл. — Sputnik. Борбор калаада үч бала пневматикалык тапанча менен көчөдөн өтүп бара жаткан жаранды коркутуп, 150 сомун тартып алган. Бул туурасында Бишкек милициясынан кабарлашты.
Тартип коргоочуларга 19 жаштагы жаран кайрылган.
"Ахунбаев — Юнусалиев көчөлөрүнүн кесилишинен 18-20 курактагы балдар тапанча такап, бейтааныш баланын 150 сомун тоноп кеткен",— деп айтылат маалыматта.
Милиция 19 жаштагы эки, 20 жаштагы бир бала кармалганын жана учурда тергөө иштери жүрүп жаткандыгын билдирди.
