БИШКЕК, 8-июл.— Sputnik. Баткендин Кадамжай районундагы аймактык оорукананын курулушун аягына чыгаруу үчүн 88 миллион сом керектелет. Бул тууралуу Жогорку Кеңештин төрагасы Чыныбай Турсунбековдун аталган облуска болгон иш сапарынын натыйжасында белгилүү болду.
Маалыматка ылайык, оорукана 1958-жылы салынган. Ал эми 2011-жылы болгон жер титирөөдөн улам кооптуу абалда калган имараттардын катарына кирген.
Үй-бүлөлүк медицина борборунун жетекчиси Орозмат Темировдун айтымында, учурда аталган оорукана бейтаптарды станционардык режимде кабыл алууда.
Турсунбеков өкмөт менен биргеликте аймактык оорукананын курулушун аягына чыгаруу боюнча аракеттерди көрөрүн убадалап, эмгек жамаатка иши үчүн ыраазычылык билдирди.
Эскерте кетсек, төраганын иш сапары бүгүн аяктайт.
