БИШКЕК, 4-июл. — Sputnik. Казакстандын Алматы шаарындагы Кунаев көчөсүндө ысык суу кууру жарылганын Новости-Казахстан маалымат агенттиги билдирди.
Окуяга күбө болгондор асманга атырылган ысык суу жакын жердеги жеңил унааны жараксыз абалга алып келгенин айтышты. Кырсыктын видеосун Tengrinews агенттигин YouTube каналына жайгаштырды.
Маалыматка ылайык, суу кууру гидравликалык текшерүү учурунда жарылган.
"Бул 1985-жылдан бери колдонулуп келе жаткан магистралдык куур, анын жарактуу мөөнөтү деле аяктаган. Биз жыл сайын текшерүүлөрдү жүргүзүп, тармактын көйгөйлүү жерлерин аныктайбыз. Себеби, жылытуу маалында үзгүлтүк иштери болбошу керек. Биздин маалымат боюнча эки машина жабыркады", — деп "Алматы жылуулук тармагы" ишканасынын маалымат катчысы Наталья Инкина билдирди.
Кырсыктан кишилер жабыркабаганын ал кошумчалады.
