БИШКЕК, 2-июл. — Sputnik. Бишкекте чөнтөкчү деп шектелген жаран кармалды. Бул тууралуу Бишкек ШИИБден билдирди.
Маалыматка ылайык, үстүбүздөгү жылдын 7-июнь күнү 18 жаштагы шаар тургуну №219 маршруткадан 3000 сомун жана паспортун жоготуп алгандыгы тууралуу арыз жазган.
Ыкчам-иликтөө иштеринин натыйжасында аталган кылмышка шектүү делинип 34 жаштагы калаа тургуну кармалды.
Тергөөнүн жүрүшүндө кармалган жаран ушундай сыяктуу дагы эки кылмышка тиешеси бар экендиги аныкталды.
