БИШКЕК, 3-июн. — Sputnik. Чукотканын полициясы кампадан тамак-аш уурдап, бирок анысы үчүн кечирим сурап кагаз жазып таштап кеткен ууруну кармады. Ал мындай ишке ачкалыктан улам баргандыгын билдирген. Бул тууралуу РИА Новости жергиликтүү полиция кызматына таянып билдирди.
"Ууру эч жерде иштебеген 24 жаштагы жигит болуп чыкты. Ал кулпуну жулуп алып, азык-түлүк салынган контейнерге кирип, тамак-ашты көтөрүп кеткен. Мындай кылыгы үчүн туз менен себелеп, ката менен "кечир, ачкалык жана жокчулук" деген сөздү жерге жазып кеткен", — деп айтылат Чукотка автономиялуу облусунунун Ички иштер башкы башкармалыгы тараткан маалыматта.
Полиция кызматкерлери "сылык-сыпайы" ууруну бейшемби күнү тузакка түшүргөн. Ал тартип коргоочуларга уурдап кеткен тамак-ашы менен кошо келген.
Маалыматта ал күнөөсүн толугу менен мойнуна алгандыгын жана келтирилген чыгым такталып жаткандыгы айтылат.
