БИШКЕК, 30-июн. — Sputnik. Бишкек шаарында таксинин айдоочусу төрт жаштагы баланы коюп кеткенин Кайгуул милициясы кабарлады.
Маалыматка ылайык, кечээ, 29-июнь күнү кечинде 57 жаштагы таксист Ахунбаев көчөсү менен келе жатып жолдон өтүп бараткан кичинекей баланы коюп кеткен. Наристе балдар ооруканасына жеткирилген.
Медициналык кароодон өткөн айдоочу соо экени белгилүү болду. Учурда териштирүү иштери жүрүп жатат.
Кайгуул милициясы жолдо сак болуп, ата-энелерди балдарды кароосуз калтырбоого чакырат.
