БИШКЕК, 30-июн. — Sputnik. Түркиянын президенти Тайип Эрдоган Россиянын башчысы Владимир Путин менен Кытайда боло турчу G20 саммитинде жолугарын билдирди.
Белгилей кетсек, Эрдоган менен Путин 29-июнда телефон аркылуу сүйлөшкөн. Эки өлкө башчы Москва менен Анкаранын мамилесин жолго салуу боюнча пикир алышкан.
"Путин менен телефон аркылуу сүйлөшүү күн мурунтан эле макулдашылган. Чынында биз эки тарап үчүн тең пайдалуу сүйлөшүүлөрдү өткөрдүк. Путин менен Кытайда боло турчу G20 саммитте жолугууну чечтик", — дейт Эрдоган.
Белгилей кетсек, эки мамлекет башчыларынын сүйлөшүүсүнөн кийин Анкара менен Москванын мамилеси жакшы тарапка ооп, буга чейин салынган бир катар санкцияларды алуу боюнча алгачкы кадамдар жасалып башталган.
Былтыр Су-24 учагын Түркия атып түшүргөндөн кийин Россия менен Түркиянын мамилеси солгундап кеткен.
