БИШКЕК, 30-июн. — Sputnik. Түрк президенти Тайип Эрдоган казак президенти Нурсултан Назарбаевге Москва менен болгон мамилени жакшыртууга кошкон салымы үчүн ыраазычылык билдиргенин Казакстан президентинин маалымат кызматы билдирди.
Эрдоган өз ыраазычылыгын телефондук сүйлөшүү учурунда билдирген. Андан тышкары, түрк президенти Назарбаевди БУУнун Коопсуздук Кеңешине туруктуу эмес мүчөлөрдү шайлоодогу жеткен жеңиши менен куттуктады. Ошондой эле казак президентин жакын арада Түркияга иш сапары менен келип кетүүгө чакырды.
