БИШКЕК, 29-июн. — Sputnik. Кыргызстан боюнча 30-июнда күн ачык болуп, жаан-чачын жаабай турганын Кыргызгидромет билдирди.
Шамалдын багыты өзгөрүлүп, анын ылдамдыгы секундасына 6 метрге чейин жетет.
Бишкек жана Ош шаарларында күн 35 градуска чейин ысыйт. 30 градустан жогорку ысык Талас, Нарын, Баткен, Жалал-Абад облустарында да сакталат.
Ал эми июль айынын башында Ысык-Көл, Нарын облустарынын айрым жерлеринде жана кээ бир тоолуу райондордо өткүн өтүп, күн күркүрөшү күтүлөт. Калган аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.
