БИШКЕК, 29-июн. – Sputnik. Бишкектен Стамбулга багыт алган учактар бир саатка кечигип жатканын Sputnik Кыргызстан агенттигине "Манас" аэропортунун диспетчердик кызматы билдирди.
Стамбулдун Ататүрк атындагы аэропортунда шейшемби күнү үч ирет жардыруу болгон. Андан 147 адам жабыркап, 36 киши каза тапкан.
"Манас" аэропорту каттам саат 10.25ке белгиленгенин, эми 11.30га жылганын билдирди. Ал эми Стамбулдан Бишкекке келе турган учактардын баары учуп келгени айтылды.
