БИШКЕК, 26-июн. — Sputnik. Улуу Британиянын математиктери компьютердик модель жасашты. Ал айрым кишилер жаратылышынан эле жакшы иштерди жасаганга генетикалык жактан программаланганын, айрымдары ачуулу болуп каларын ДНКдан карап, себебин көрсөтүп бере алат экен. Бул туурасында РИА Новости PLoS Computational Biology журналына шилтеме берүү менен билдирди.
Окумуштуулар эксперименттин жыйынтыгында айрым маймылдар чындап эле жардам беришсе, айрымдары өзүмчүл келерин аныкташкан.
"Бөбөктөрдө 1 жаш 3 айынан тарта эле башкаларга жардам берүү сезими пайда болот. Мындай жөндөм анын коомдо ордун таап жашап кетүүсү үчүн абдан маанилүү", — деп айтылган макалада. Окумуштуулар эми кишилер эмне себептен айланасындагыларга жардам бере турганын изилдеп жатышат.
Эксетер университинин окумуштуусу Саша Долл жана анын жамааты кишилердин жасаган жакшылыктары менен ичи тардык аракеттерин аныктай турчу атайын математикалык модель түзүп чыгышканын айтууда.
