БИШКЕК, 24-июн. — Sputnik. Премьер-министр Сооронбай Жээнбеков Кадамжай районундагы жаратылыш кырсыктарынын кесепеттерин жоюу аракеттери менен жеринде таанышканын өкмөттүн маалымат кызматы билдирди.
Өкмөт башчы Баткен облусуна жумушча сапарынын алкагында барды.
Өзгөчө кырдаалдар министри Кубатбек Боронов май айында жүргөн селдин кесепеттерин жоюу боюнча жасалып жаткан аракеттер тууралуу маалымат берди. Сел 128 миллион 742 миң сомдук зыян алып келген.
Жээнбеков ошондой эле 2011-жылы жер титирөөдөн жабыркагандарга салынып жаткан көп кабаттуу үйдүн курулушу менен таанышты. Бул курулуштун сметалык баасы 93 миллион 545 миң сомду түзөт. Кадамжай районунун акими Акрам Мадумаровдун айтымында, үйдүн курулушу 2011-жылы башталып, бирок бир катар себептерден улам токтоп калган. Ал учурда курулуш иштери жанданып, каржылык маселеси да чечилгенин кошумчалады.
