БИШКЕК, 22-июн. — Sputnik. Нарындын Ат-Башы айылынын тургуну Renault Magnum үлгүсүндөгү жүк ташуучу унаасын оңдоп жатып, рама менен дөңгөлөктүн ортосуна кыпчылып каза тапкан. Бул тууралуу ӨКМ билдирди.
Маалыматка ылайык, маркум 43 жаштагы Бактыбек Сагалиев аттуу жаран экени аныкталды.
Окуя болгон жерге келген куткаруучулар Сагалиевдин жансыз денесин алып чыгып, туугандарына өткөрүп беришкен.
