БИШКЕК, 21-июн. — Sputnik. Евробиримдик Россияга карата санкцияларды 2017-жылдын январь айына чейин узартат.
Аталган чечим азырынча туруктуу өкүлдөр тарабынан кабыл алынды. Эми чечим Евробиримдиктин кеңешинде каралат.
Мындан сырткары, Евробиримдиктин кеңеши Крым жана Севастополго карата санкцияларын 12 айга узартты.
Россия менен Батыштын мамилеси Украинадагы абалдан улам курчуп кеткен. Алгач санкцияларды Евробиримдик менен АКШ айрым адамдар менен компанияларга карата кабыл алса, кийин жалпы Россия экономикасына каршы багыттаган. Ал эми Россия жооп катары ага карата санкция киргизген АКШ, Канада, Австралия, Норвегия жана ЕБ өлкөлөрүнөн импортту токтоткон.
