БИШКЕК, 19-июн. — Sputnik. Жалал-Абаддын Арстанбап жергесинде "Жаштар — туура кадам, таза максат үчүн!" аталышындагы 3-республикалык жаштар форуму жыйынтыкталды. Бул тууралуу Жалал-Абад облустук ички иштер башкармалыгы билдирди.
Форумдун алкагында делегаттар эки топко бөлүнүп, "Жаштар арасында адам сатуунун алдын алуу", "Кыз-келиндерге карата зордук-зомбулуктун алдын алуу" деген темаларда талкуу жүрдү.
Талкуудан соң кыз-келиндерге жасалган зордук-зомбулуктун алдын алуу жана аны болтурбоо, адам сатуу фактысына жол бербөөгө багытталган резолюция кабыл алынды.
Республикалык деңгээлдеги жаштар форуму жыл сайын өткөрүлүп келет.
