Кечээ аталган жолдо жолдо эки жол кырсыгы катталып, жүргүнчүлөр жабыркаган.
БИШКЕК, 17-июн. — Sputnik. Бир эле күндө Бишкек — Нарын — Торугарт жолунда бир машина ала салып, дагы эки автоунаа кагышканын ӨКМ билдирди.
Маалыматка ылайык, 16-июнда саат 20:00дөр чамасында аталган жолдун 160-чакырымында Volkswagen Jetta унаасы менен Toyota Sequoia үлгүсүндөгү жол тандабас кагылышкан. Кесепетинен эки автоунаадан бирден адам жабыркап, унаалар жараксыз абалга келген.
Жол четине чыгып кеткен унааларды эвакуаторго жүктөөгө ошол аймакта кызматтык иш сапарда жүргөн ӨКМдин кызматкерлери жардам беришти.
Жол четине чыгып кеткен унааларды эвакуаторго жүктөөгө ошол аймакта кызматтык иш сапарда жүргөн ӨКМдин кызматкерлери жардам беришти. Жол кырсыгынын себептери жана жабыркагандардын аты-жөнү тиешелүү кызматтар тарабынан такталууда.
Ушул эле аталган кан жолдун 154-чакырымында Бишкек шаарын көздөй жолго чыккан Mazda Demio үлгүсүндөгү автоунаасын катуу айдап келе жаткан айдоочу рулду башкара албай, ала салып кеткен.
Mazda Demio үлгүсүндөгү автоунаа жол кырсыгынан кийин
Унаада айдоочу жана эки жүргүнчү болгон. Кырсыкта бир адам оор, экинчиси жеңил жараат алган. Айдоочу коопсуздук курун тагынгандыктан жаракат алган эмес.
Ошол аймакта кызматтык иш сапар менен жүргөн ӨКМдин кызматкерлери жол кырсыгына кабылгандарга алгачкы медициналык жардам көрсөтүшкөн. Жаракат алган эки жаран Кочкор райондук ооруканасына өтүп бара жаткан унаалардын биринин жардамы аркылуу жеткирилди.
