БИШКЕК, 14-июн. — Sputnik. Бүгүн бир күн бою борбор калаада №11 каттамдагы троллейбус экскурсоводдун милдетин аткарат. Бул туурасында мэриянын маалымат кызматы билдирди.
Бишкектеги №75 мектептин окуучулары үчүн уюштурулуп жаткан бул акция агартуу, маалымат берүү максатын көздөйт.
Мунун алкагында балдар шаардагы Жибек Жолу, Ахунбаев, Болот Юнусалиев көчөлөрү, Манас проспектиси жана Асанбай кичи району тууралуу маалымат алышат.
Акцияны Бишкектеги борборлоштурулган китепканалар системасы борбор калаадагы Троллейбус башкармалыгы менен биргелешип уюштурууда.
