Бишкекте "кыз ала качуу" боюнча социалдык эксперимент жүргүзүлдү
"Жапа чеккен" кыздын ролун 17 жаштагы Канышай Бейшекеева аткарып берди. Ал дүйнөгө белгилүү румын фотографы Михаэл Нороктун "Атлас красоты" долбооруна кирген болчу.
Кайрылгандардын бардыгы узатып коюуга макул болушкан. Бирок кызыктын баары ал үйүнө жеткенде башталды. Эшиктин алдында турган унаадан эки эркек чыга калат. Алардын бири оор атлетика менен машыккан спортчу. Кызды унаага түшүрүүгө аракет жасашканда Канышай жардам сурап кыйкырат.
"Кызды узатып келген жигиттерге кайрылып өз жолдору менен кетүүлөрүн сунуштадым. Экинчи актерду көрсөтүп бул кыздын жолдошу дедим. Көпчүлүгү жардам берүүгө аракет жасап кетпей жатышты", — деп экспериментке актер катары катышкан Фурхат Курбанов билдирди.
Натыйжада 10 жигиттин ичинен жетөө кызды таштап кеткен жок. Ал эми үчөөсү кийлигишпөөнү чечишти.
