БИШКЕК, 9-июн. — Sputnik. Ысык аба ырайынын улам Чүй облусунда дарыялардын деңгээли көтөрүлүп, эгин талааларын каптап жатканын ӨКМ билдирди.
Маалыматка ылайык, Ысык-Ата районундагы саат эртең мененки тогуздар чамасында Ак-Кудук айылына агып өтүүчү Чу суусунун деңгээли көтөрүлүп, сол жээгинен болжол менен 800 метр аралыгынан ашкан. Анын кесепетинен суу 13 гектар үлүш жердеги буудай эгилген талааны, эки сарайды каптаган. Турак үйлөргө зыян келтирилген эмес.
Андан сырткары, Жайыл районунда Бишкек — Ош унаа жолунун 106-чакырымында Кара-Балта суусунун деңгээли көтөрүлүп, жолду суу каптаган. Жээкти бекемдөө иштерине Жол тейлөө ишканасынан тийиштүү техникалар тартылып, бекемделип, жумуш аяктады.
Ал эми Панфилов районундагы Күрпүлдөк айыл аймагында Күрпүлдөк айылындагы сугат каналынын деңгээли көтөрүлүп, алты гектар бедени суу каптап кеткен. 50 гектардай жайыт жер да суу алдында калган.
