БИШКЕК, 8-июн. — Sputnik. Кыргызстандын футбол боюнча улуттук курама командасы Иран командасына утулуп калды. Бул тууралуу КРдин футбол боюнча федерациясы билдирди.
Жолдоштук беттеш Ирандын Тегеран шаарындагы "Азади" стадионунда өттү.
Эсеп оюндун алтынчы мүнөтүндө ачылып,11-метрден гол жараткан Ирандын жарым коргоочусу Масуд Ходжаи мүмкүнчүлүктү колдон чыгарган жок.
Мындан сырткары, Кыргызстандын дарбазасына жоопсуз дагы беш гол кирип, 6:0 эсебинде жергиликтүү команда жеңишке жетти.
Эске сала кетсек, Иран командасы FIFA рейтинги боюнча Азияда биринчи сапта турат.
