Кечээ түнү Актөбөдө дагы беш экстремист жок кылынды

Жазылуу
Yandex newsTelegram
Жалпы сан менен алганда Актөбөдө каракчылык менен кол салган кылмыштуу топтун мүчөлөрүнүн тогузу жок кылынып, тогузу жарадар болду.

БИШКЕК, 6-июн. — Sputnik. Жекшембиден дүйшөмбүгө караган түнү Актөбөдөгү террорчулукка каршы операцияда дагы беш экстремист жок кылынып, экөө кармалды. Бул туурасында Казакстандын Ички иштер министрлиги маалымат таратты.

"Түнкү ыкчам издөө операциясындагы кармоо учурунда полиция кызматкерлерине каршылык көрсөтүп жатканда беш кылмышкер жок кылынды жана дагы экөө кармалды",— деп айтылат билдирүүдө.

Малаыматка ылайык, кылмышкерлерден кечээ дүкөндө уурдалып кеткен курал-жарактын көп бөлүгү алынган.

"Каракчылык кылып, кол салгандардын ким экендиги аныкталды. Аларды издеп, кармоо боюнча чаралар көрүлүп жатат",— деп айтылат билдирүүдө.

Казакстанда митингге чыгам дегендер кантип кармалды?
Жекшемби күнү кечинде белгисиз адамдар Актөбө шаарындагы курал-жарак саткан дүкөндү тоногон. Алар андан ары жолдо кетип бараткан автобусту күч менен токтотуп, аны менен Улуттук Гвардияга барып кол салган. Ал жердеги атышууда алты аскер кызматкери окко учуп, ондон ашыгы жаракат алган. Ал эми кол салгандардын төртөө өлтүрүлүп, жетөө кармалып, дагы экөө жарадар болгон.

Дүйшөмбү күнү кылмышкерлерди издөө операциясы жүргөн. Анда полиция кызматкерлерине каршылык көрсөтүлүп беш кылмышкер жок кылынды, дагы экөө кармалгандыгы кабарланган.

Жаңылыктар түрмөгү
0