БИШКЕК, 30-май — Sputnik. Кыргызстандын президенти 31-май күнү Астанада өтө турган Евразиялык экономикалык кеңештин жыйынына катыша турганын өлкө башчынын маалымат кызматы билдирди.
Мында мамлекет жетекчилеринин интеграциянын келечегин, анын ичинде газдын, мунай жана мунай заттарынын жалпы рыногун түзүү сыяктуу маселелерди талкуулай турганы күтүлүүдө.
Муну менен бирге президенттер биримдиктин чет элдик өлкөлөр жана аймактык уюмдар менен соода-экономикалык байланышты кеңейтүү боюнча пикир алмашат. Ал эми сүйлөшүүнүн жыйынтыгы боюнча бир катар документтерге кол коюлмакчы.
