БИШКЕК, 27-май — Sputnik. Кыргыз тилдүү Википедияда 26-майга карата 55 382 макала бар экени аталган энциклопедиянын сайтында айтылат.
Википедия 2002-жылы негизделген.
Ресурстун өзүнүн маалыматы боюнча учурда андагы макалалардын саны 55 миңден ашты. Бул былтыркы жылдын соңундагы көрсөткүчкө караганда эки миңге көп. Бирок 2015-жылдын башында 27,5 миң макала катталган, демек, былтыркы жылдын аралыгында макалалардын саны эки эсеге көбөйгөн.
2010-жылдан бери аталган ресурс байма-бай толукталып келген. Алгач эки миң макала катталса, 2012-жылдын аягында алардын саны 21 миңге жеткен.
