БИШКЕК, 21-май — Sputnik. Алматынын полициясы митингчилерди кармоону улантууда. Бул тууралуу Новости-Казакстан агенттиги жазып чыкты.
Мыйзамсыз митинг өткөрүүгө аракет жасаган жүздөгөн жарандарды полиция кызматкерлери аянтка кое бердей түшкө маал кармаганы маалымдалган. Жүзгө жакын жаран Абай, Фурманов жана Сатпаев көчөлөрүнөн кармалган.
Негизги операция жасалгандан кийин полиция кызматкерлери 20 чакты адамдан түзүлгөн эки топту Абай проспектисиндеги Желтоксан көчөсү аркылуу "Казакстан" деп ырдап бара жаткан жеринен кармашканына Новости-Казакстан агенттигинин кабарчысы күбө болгон.
Казакстандын бир катар шаарларындагы активисттер 21-май күнү митинг өткөрүүгө уруксат алуу үчүн жергиликтүү бийлик өкүлдөрүнө арыздарын жөнөтүшкөн. Митингде эл чет элдик жарандарга айыл чарба жерлерин узак мөөнөткө ижарага берүү боюнча кабыл алынган Жер кодексине каршы экендиктерин билдиришмек.
Ал эми Казакстандын башкы прокурору Жакип Асанов мыйзамсыз митинг өткөргөндөр административдик жана кылмыш жоопкерчилигине тартыларын жума күнү эскерткен. Анын айтымында тартип күзөтчүлөрү мыйзам бузуучуларга тез арада чара көрүүлөрү керек.
Белгилей кетсек, Казакстандын ар кайсы аймактарындагы бир нече активисттер соттун чечими менен камакка алынган.
