БИШКЕК, 21-май — Sputnik. Бишкек мэриясынын алдындагы "Зеленстрой" муниципалдык ишканасы 20-май күнү кечке жуук Эркиндик бульвары менен Чокморов көчөлөрүнүн кесилишине кулаган бакты тазалады.
Белгилей кетсек, жума күнү кечке жуук Эркиндик бульварында бак кулаганын күбө Sputnik Кыргызстан агенттигинин WhatsApp номери аркылуу жиберген.
Мэриядан маалымдашкандай бак нөшөрлөп жааган жаандан улам жер кыртышы жумшап калгандыктан кулаган.
"Кулаган бак ошол эле күнү бир сааттын ичинде тазаланган", — деп айтылат билдирүүдө.
Мындай окуя борбор калаада биринчи жолу катталып жаткан жок. Жаз мезгилинен тарта жамгырдын арбын жаашынан улам бак кулаган бир нече окуя катталган. Алардын бир катары адам өмүрүн алган.
Эгер сиз кайсы бир окуянын күбөсү болуп сүрөткө же видеого тартып алган болсоңуз медиа файлдарды бизге +996 706 566 544 WhatsApp номерине жөнөтсөңүздөр болот.
