БИШКЕК, 21-май — Sputnik. Россиянын Санкт-Петербург шаарынын тергөөчүлөрү социалдык тармак аркылуу суицидге түрткөн деген иш боюнча тергөө амалдарын баштады. Бул тууралуу Россиянын тергөө комитетине таянуу менен РИА Новости билдирди.
Маалыматка ылайык, тергөөчүлөр "ВКонтакте" социалдык тармагындагы балдарды өз өмүрүнө кол салууга үгүттөгөн жабык тайпаларды иликтөөгө алып, анын жыйынтыгы боюнча кылмыш ишин козгоо чечими кабыл алынган.
Тергөөнүн жүрүшүндө лингвистикалык, компьютердик экспертизалар жүргүзүлүп, күмөн жараткан жарандар суракка алынышы мүмкүн.
Россиянын тийиштүү органдары "ВКонтакте" социалдык тармагындагы бир катар жабык тайпаларды жапкан болчу.
