БИШКЕК, 18-май — Sputnik. Бачабаздар менен лесбиянкалардын эл аралык ассоциациясы кайсы өлкөлөрдө ЛГБТга каршы кылмыш жаза кодекси менен өлүм жазасы каралганын жарыялашты. Бул тууралуу британиялык The Telegraph басылмасы ассоциациянын изилдөөсүнө шилтеме берүү менен жазып чыкты.
Изилдөө 17-майда өткөн гомофобия менен күрөшүүнүн эл аралык күнүнө карата жасалган. Буга чейин ачыкка чыккан бачабаз америкалык Эрик Фэнниг АКШнын аскер башчысы болуп дайындалганы маалымдалган. Анын талапкерлигин сенат бекитип берген.
Дагы 17 мамлекетте гомосексуализмди жайылткандар кылмыш жоопкерчилигине тартылат. Мындай чара Алжир, Египет, Ливия, Марокко, Нигерия, Сомали, Тунис, Ирак, Иран, Иордания, Кувейт, Ливан, Катар, Сауд Аравиясы, Сирия, Литва жана Россияда каралат.
Изилдөөнүн жыйынтыктары дагы 40 мамлекетте бачабаз менен лесбиянкаларды өлтүргөн жарандар кылмыш жоопкерчилигине тартылбай турганын көрсөткөн.
