БИШКЕК, 12-май — Sputnik. "Бишкекасфальтсервис" муниципалдык ишканасы борбор калаанын кварталдарынын жана кичи райондорунун ички жолдорун капиталдык ремонттон өткөрүп жатат. Бул тууралуу мэрия билдирди.
Маалыматка ылайык, учурда Исанов көчөсүнүн Киевден Токтогул көчөсүнө чейинки, Байтик баатырдан баштап Тыныстановго чейинки Жантөшев көчөсү, Тыныстанов көчөсүнүн Жантөшевден Ахунбаев көчөсүнө чейинки тилкелери оңдолуп жатат.
Ремонт иштери шаардык бюджеттин эсебинен жүргүзүлмөкчү.
Мэрия быйыл шаардын кварталдарынын жана кичи райондорунун 44 ички жолу оңдолорун белгилейт.
