ӨКМ башчысы Боронов: жол эрежесин бузган статс-катчынын айдоочусу жумуштан алынды

© Айбек Баратов132 чакырым ылдамдык менен бара жаткан Mercedes Benz үлгүсүндөгү 0002 MES мамлекеттик номерлүү унаанын сүрөтү
132 чакырым ылдамдык менен бара жаткан Mercedes Benz үлгүсүндөгү 0002 MES мамлекеттик номерлүү унаанын сүрөтү - Sputnik Кыргызстан
Жазылуу
Активист Айбек Баратов статс-катчынын да жазага тартылышын көздөйт.

БИШКЕК, 11-май — Sputnik. Өзгөчө кырдаалдар министри Кубатбек Боронов минитрликтин статс-катчысынын айдоочусун тергөө бүткөнгө дейре жумушунан бошотту. Бул тууралуу Sputnik Кыргызстан агенттигине министр өзү билдирди. 

© Айбек БаратовЧыңгыз Айтматов көчөсүндө саатына 132 чакырым ылдамдык менен бара жаткан Mercedes Benz үлгүсүндөгү 0002 MES мамлекеттик номерлүү унаанын радардагы сүрөтү
Запечатленный на радаре автомобиль марки Mercedes Benz с госномером 0002 MES, ехавший со скоростью 132 километра в час  - Sputnik Кыргызстан
Чыңгыз Айтматов көчөсүндө саатына 132 чакырым ылдамдык менен бара жаткан Mercedes Benz үлгүсүндөгү 0002 MES мамлекеттик номерлүү унаанын радардагы сүрөтү

Буга чейин Facebook социалдык тармагынын активисти Айбек Баратов Чыңгыз Айтматов көчөсүндө саатына 132 чакырым ылдамдык менен бара жаткан Mercedes Benz үлгүсүндөгү 0002 MES мамлекеттик номерлүү унаанын сүрөтүн интернетке киргизген. Аталган унаада Өзгөчө кырдаалдар министрлигинин статс-катчысынын айдоочусу болгон. 

"Мага интернетке жарыяланган сүрөт боюнча маалымат беришти. Бүгүн Мамлекеттик резиденцияда Жарандык коргонуу боюнча эл аралык уюмунун сессиясы өтүп жатат. Ошого байланыштуу бардык кызматтык унаалар ишке тартылган. Эгер айдоочу жол эрежесин бузган болсо, жоопко тартылат. Ал менин оозеки буйругум менен тергөө бүткөнчө убактылуу жумуштан алынды", — деди Боронов. 

Милиция кызматынын унаасы. Архив - Sputnik Кыргызстан
Кызматтык унаасы менен мыйзам бузган милиционерге 1000 сом айып салынды
Баратов Айтматов проспектине чыга бергенде алдынан Mercedes үлгүсүндөгү унаа чоң ылдамдык менен өткөнүн белгилейт. 

"Мен аталган унаанын Кайгуул милициясынын токтотууга аракет кылганына баш бербей, катуу ылдамдык менен өтүп кеткенин көрдүм. Аны токтотууга аракет кылган милиция кызматкерине барып, радарга түшүрүлгөн сүрөттү уюлдук телефонума тартып алдым", — деди Баратов. 

Ал жол эрежеси бузулган аймакта мектеп бар экенин кошумчалады. 

"Бул жерде мектеп окуучулары ары-бери чуркап турат. Эгерде мындай ылдамдыкта алдынан жаш бала чыга калса, айдоочу сүзүп кетмек", — деди активист. 

Баратов айдоочу менен кошо ӨКМнин статс-катчысы Таалайбек Темиралиев да жазага тартылууга тийиш экенин белгилейт.

Жаңылыктар түрмөгү
0