БИШКЕК, 8-май — Sputnik. Борбор калаада 10-14-май күндөрү Аткаруу кеңешинин 49чу жана Жарандык коргонуу боюнча эл аралык уюмдун башкы ассамблеясынын 22-жыйынын өткөрүү пландалууда. Бул тууралуу КР өзгөчө кырдаалдар министрлиги билдирди.
Маалыматка ылайык, пландалып жаткан бул иш-чарага 45 мамлекеттен делегация келет.
Жарандык коргонуу боюнча эл аралык уюм жарандык коргонуу жана коргоого ылайыкташкан эл аралык деңгээлдеги жалгыз өкмөттөр аралык уюм болуп саналат.
Бул уюмдун негизи максаты жарандык коргонуу боюнча улуттук уюмдардын ортосундагы байланыштуу чыңдоо болуп саналат. Ошондой эле, өзгөчө кырдаалдар учурунда ыкчам аракеттерди, иликтөөлөрдү жүргүзүүнү көздөйт.
Учурда уюмга 55 мамлекет мүчө, 19 мамлекет байкоочу статусуна ээ.
Аталган эки уюмдун жыйыны биринчи жолу Женева шаарынан тышкары жакта өтүп жатканын ӨКМ баса белгилейт.
