Акула суу алдындагы жарык чачкан дүйнөнү көрө аларын окумуштуулар аныктады

БИШКЕК, 3-май — Sputnik. Америкалык окумуштуулар суу алдындагы дүйнөгө акуланын көзү менен карап, тагыраагы, атайын камера менен байкоо салып көрүшкөн. Бул туурасында РИА Новости Scientific Reports журналына таянып билдирген.

"Акуладай карап, кабыл ала" турган камералар аркылуу жүргүзүлгөн иликтөөнү окумуштуулар аталган журналга жарыялашкан.

Мышыктар түркүмүнө кирген акулаларда биофлюоресценция жөндөмү көбүрөөк. Башкача айтканда, канчалык тереңдеген сайын суудагы көк түстүн жардамы менен алар терисинен кызыл жана жашыл жарык чыгарып туруу касиетке ээ боло баштайт. Илимпоздор муну биолюминесценция, же болбосо тирүү жандыктардын белокторунун жардамы аркылуу чыгып турган жарык менен алмаштырып албаш керектигин эскертишти. 

Окумуштуулар акула суу астына канчалык терең кирсе, андан чыгып турган түстөрдүн ошончолук көбөйөрүн айтышты. Бул ага түркүмдөш "туугандарын" көбүрөөк тапканга көмөктөшөт экен. 

Илимпоздор учурда акула ушундай касиетке ээ болгон башка деңиз жаныбарларын көрө алабы, көрсө анысын кандай пайдаланат деген суроого жооп издеп жатышат. Алардын айтымында, акыркы ачылыш — жарык чыгара турган балыктарды иликтей турган олуттуу кадам.