Студенттер аралык медиа-фестивалдын жеңүүчүлөрү аныкталды

© Нурсейит Насиров"Медиа Көпөлөк – 2016" медиа-фестивалынын жеңүүчүлөрү.
Медиа Көпөлөк – 2016 медиа-фестивалынын жеңүүчүлөрү. - Sputnik Кыргызстан
Жазылуу
Бишкек шаарында "Медиа Көпөлөк – 2016" фестивалы жыйынтыкталды.

БИШКЕК, 30-апр. – Sputnik. Үстүбүздөгү жылдын 29-апрелинде Жусуп Баласагын атындагы Кыргыз Улуттук университетинин башкы имаратында "Медиа Көпөлөк – 2016" медиа-фестивалынын сыйлоо аземи болуп өттү.

Аталган фестиваль быйыл төртүнчү жолу өтүп жатат. Ал 1-марттан 29-апрелге чейин созулду.

"Медиа Көпөлөк" фестивалынын негиздөөчүсү Арген Адил уулу фестивалдын негизги максаты студенттерге алгачкы практикалык жумушун жасаганга мүмкүнчүлүк, аянтча түзүп берүү экенин айтат.

"Быйылкы фестивалга жалпысынан 135 студент катышып, алардын ичинен 60 студент сыйлыкка ээ болду. Ал эми 20 студент өлкөбүздүн алдыңкы ЖМКларында тажрыйба топтоого мүмкүнчүлүк алышты", — деди ал.

Студенттер. Архив - Sputnik Кыргызстан
Чет өлкөдөн билим алгысы келгендерге күмүш сырга
Жеңүүчүлөр пиар компания, экономикалык журналистика, спорт журналистикасы, кыска метраждуу кино, даректүү жана теледаректүү кино, фотография, радиожурналистикалык иликтөө, атайын ТВ репортаж жана сценарий жазуу категориялары боюнча аныкталды.

Экономика журналистикасы боюнча биринчи орунду алган Кымбат Айтыбекова уюштуруучуларга, ошондой эле мугалимдерине жана колдоо көрсөткөн досторуна ыраазычылыгын билдирди.

Даректүү тасма категориясында биринчиликти альбинос тууралуу тасма тарткан Айзада Орунбаева алды.

Калган номинациялар боюнча байге алгандар төмөндөгүдөй:

  • ТВ сценарий — Жибек Абишева;
  • Атайын ТВ репортаж — Камила Калчакеева;
  • Радио журналистикалык иликтөө — Эржан Байкулов;

Маалыматтык пиар кампания боюнча мыкты команда —

  1. Нурсеит Насиров, Эркинай Боронбаева жана Мира Алымбаева, Байыш Сулайман уулу. 
  2. Илгиз Шернияз, Чыңгыз Эсенбаев жана Аман Жолдубай уулу.
  • Кыска метраждуу тасма — Самара Мастанова 
  • Фотография — Эрлан Жунушалиев
  • Спорт журналистикасы — Нурай Усманова.
Жаңылыктар түрмөгү
0