БИШКЕК, 26-апр. — Sputnik. Бишкектин Лев Толстой көчөсүндө болгон жол кырсыгынан 8 жаштагы бала каза болгонун Кайгуул милициясы билдирди.
Маалыматка ылайык, кырсык кечээ, 25-апрелде эртең менен болгон. Honda Accord унаасы менен чыгыш тарапты көздөй келе жаткан 23 жаштагы айдоочу жолдон өтүп бараткан баланы тебелеп кеткен. Жабырлануучуга жеринде биринчи медициналык жардам көрсөтүлүп, ооруканага жеткирилген.
Тилекке каршы, алган жарааттарынан улам бала ооруканада каза болгон.
Учурда иликтөө иштери жүрүп, экспертизалар дайындалды. Айдоочунун мас-соосун аныктоо үчүн андан кан алынды.
