БИШКЕК, 26-апр. — Sputnik. Армениянын борборунда автобус жарылып, эки киши каза болду. Алты киши түрдүү жаракаттарды алган. Бул тууралуу Sputnik Армения агенттиги өлкөнүн Өзгөчө кырдаалдар министрлигине шилтеме берүү менен билдирди.
Күбөлөрдүн айтымында, "Богдан" үлгүсүндөгү автобус жарылган. Окуя болору менен ал жерге куткаруучулар жана тийиштүү органдардын жетекчилери келген.
Жарылуу катуу болгондуктан Еревандын башка аймактарына чейин угулган.
