БИШКЕК, 25-апр. — Sputnik. Милициянын ар бир кызматтык унаасында жеңиш тасмасы болуусу керек. Бул тууралуу Бишкек ШИИБнин жетечиси Кашкар Жунушалиев милиция кызматкерлеринин кызматтык унааларын текшерүү учурунда билдирди.
Ал милиция кызматкерлеринин унааларын ар апта сайын текшерип туруу керектигин кошумчалады.
"Жолдогу абалды көзөмөлдөө жана мыйзам бузгандарды кармоо үчүн алгач кызматтык унаалар жакшы шартта болуусу керек. Мындан сырткары, Улуу жеңиш майрамынын 71 жылдыгына ылайык милиция кызматкерлеринин ар бир кызматтык унаасында жеңиш тасмасы тагылсын", — дейт Жунушалиев.
Ал жалпысынан кызматтык унаалар жакшы шартта экенин айтып, кызматын уланта берсе болорун кошумчалады.
