БИШКЕК, 21-апр. — Sputnik. АКШ Ирактагы "Ислам мамлекети" террордук тобуна каршы стратегиялык B-52 бомбалоочу учагын колдонгонун РИА Новости жазып чыкты.
АКШнын Жакынкы Чыгыштагы аскерлеринин командири Стивен Уоррен учак
дүйшөмбү күнү Кайар шаарындагы кампаны бутага алганын билдирди.
"Бул учак мындай аткылоолорду алдыда көп жасайт. Бомбалоочу учак так жана таамай атат",— дейт Уоррен.
B-52 бомбалоочу учагы 1955-жылдан бери АКШнын куралдуу күчтөрүнүн катарын толуктап келет. Ал эң күчтүү кыйраткыч катары эсептелет.
Мурдараак АКШ "Ислам мамлекетине" карата B-1 бомбалоочу учагын колдонгон.
